ՀՀ Առևտրաարդյունաբերական պալատի նախագահ Մարտին Սարգսյանի շնորհավորական ուղերձը Կանանց տոնի՝ Մարտի 8-ի առթիվ:

ㅤㅤ

ㅤ

Սիրելի կանայք, ՀՀ Առևտրաարդյունաբերական պալատի նախագահության և խորհրդի անունից ջերմորեն շնորհավորում եմ բոլորիդ, ցանկանում, որ գարնանային տրամադրությունը մշտապես ուղեկից լինի ձեզ աշխատանքում և կյանքում, որ հնարավորինս շուտ հրաժեշտ տաք բազմաբնույթ հոգսերին, որ ձեր ամենակարևոր հոգսը ճշմարիտ քաղաքացի դաստիարակելը լինի, որ միշտ ուղեկից ու զորավիգ լինեք տղամարդկանց և ամուր ընտանիքներով, սիրով, ջերմությամբ ու համերաշխությամբ հզորացնեք ու ծաղկեցնեք Հայոց պետությունը:

ㅤㅤ

ㅤ

Թանկագին մայրեր, անհուն երախտագիտություն և խոնարհում ձեզ հայ զինվոր դաստիարակելու և հատկապես արդեն հավերժության մեջ ապրող զինվորի մոր զսպված ցավն ու կարոտը արժանապատվորեն կրելու՝ վասն Հայրենիքի...

ㅤㅤ

ㅤ

Սիրելի կանայք, անկախ ամեն ինչից, այս տոնը նշելը բոլորիս համար նախ ձեր մեծ դերն ու ավանդը մեկ անգամ ևս արժևորելու, գնահատելու և խոստովանելու, որ հատկապես դուք եք հայկական ընտանիքի ավանդական դիմագիծը, արժանապատվությունը և ոգին պահողը, որ տղամարդիկ շատ մեծ պարտքեր ունեն մարելու ձեր լուռ տառապանքի համար:

ㅤㅤ

ㅤ

Կրկին շնորհավորում եմ, մեր սերն ու խոնարհումը ձեզ...

ㅤㅤ

ㅤ

ՀՀ Առևտրաարդյունաբերական պալատի նախագահ`

ՄԱՐՏԻՆ ՍԱՐԳՍՅԱՆ